Plantun de Prouvènço

Pèr coumpara dos planto d'encò nostre

Carex demissa & Stellaria nemorum

Queirello(-de-la-cambo-basso)

Carex demissa

Cyperaceae

Àutri noum : Moutouso, Sagneto.

Nom en français : Laîche à tiges basses.

Descripcioun :
La queirello-de-la-cambo-basso trachis en mato dins li palun tourbous de mountagno sus siliço. Fai partido dóu group di Carex pulèu pichot qu'an uno espigueto masclo e 2 à 6 espigueto femello. Èi proche de la meno lepidocarpa emé si fueio estrecho e sis utriculo sarrado emé un bè di dos dènt e rufe emé tres estigmate. Se n'en destrìo pamens que soun espigueto masclo èi pourtado pèr un pecou mens long que l'espigueto femello d'à coustat (fotò), que li bè dis utriculo soun pas torso e peréu que se trovo sus siliço pas sus cauquié.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 5,5 à 8 mm
Flourido : Estiéu

Sòu : Si
Autour basso e auto : Pancaro entresigna
Aparado : Noun
Juliet à avoust

Liò : Palun tourbous - Bas-palun
Estànci : Mountagnard à Aupen
Couroulougi : Anfiatlantico
Ref. sc. : Carex demissa Vahl ex Hartm., 1808 (= Carex viridula subsp. oedocarpa (Andersson) B.Schmid, 1983 )

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.